9/7/2009 7A茶聚+馬錦燦之行+下白泥之旅

首先同Ms Kong去海聯飲茶
因為預少左位，搞到好逼，又唔俾換桌子
唔好意思呀……
Bo Bo打電話o既舉動，引起大家o既哄堂大笑!

之後返學校參觀同影相，
學校意圖想變成綠化校園，但好失敗 = =
同教英文果個Ms Kong傾左好耐…哈哈
返左7A坐，一邊閒聊，感覺不錯 =)

跟住就出發去元朗下白泥
with 莉兒、Eva、Bo Bo、菁怡、Wing、肥崑、傻強
其實坐巴士+小巴都花左好多時間
之後仲要行錯路，同埋經過d好多狗o既路 @@"

重頭戲--睇日落(被譽為最港最美的日落)
日落果然轉瞬即逝……好努力嘗試捕捉--"
個天真係好靚，有好多七色彩霞
睇住個太陽慢慢落，天色又逐漸轉變
感受到大自然的奇妙(同時都想起《登泰山記》)
但又無我想像之中咁美好…都值得一睇o既!
果然唔應該抱住太多o既期望……相後補

跟住又等車出返元朗，去食壽司
特別鳴謝菁怡個fd帶我地去 -v-
其實我覺得幾好食，而且又平喎!
食完就搭76k一齊返屋企，過程傾得相當愉快!

好耐無見過你們了，特別菁怡同傻強
好難得可以一齊去郊遊，又坐低傾計*v*
而家期待緊o既係下白泥part2+南生圍，
仲有Bo Bo所講o既深圳之旅，哈哈=V=

(P.S.特別鳴謝Wing同肥崑分別請食雪條)

30/6/2009

原來咁快就過左一年
仲記得舊年同寶寶佢地唱通宵K
之後一夜無眠咁返學等放榜……
一切都好似剛剛發生，但係主角又換左新一批

禽晚專登早D訓，今朝專登早起身
MSN、電話、SMS，知道你地大概o既消息
都可以話放心，因為大家都好清楚自己想點

今日o既失意，唔代表一切
將來一樣可以係美好o既，盡左力已經足夠
都係果一句「條條大路通羅馬」
將來o既路好難走，但係總有辦法好好走落去
要堅守自己o既信念&理想……
美好o既前程都會o係前面等住你

雖然我覺得我o既意見無o麥用
不過都希望幫到你地啦，祝福你地咁多個!=)